Fikr va tuyg‘uni yagona rakursda uyg‘unlashtirgan shoir

Аннотация

Ushbu maqolada akadimek G‘afur G‘ulom ijodiyoti shaxsiy hayoti bilan bog‘liqlikda o‘rganildi. Bunda ijodkor shaxsi shakllanishida oila, ijtimoiy muhit va davr muhim rol o‘ynagani bilan bir qatorda, shoir va nosir siyratini uning badiiy asarlaridagi ruhiy biografiyasidan izlash lozimligi asoslab berildi. Maqolada shoir asarlari uning hayot yo‘li, biografiyasi va davrining ijtimoiy-siyosiy, madaniy-ma’rifiy shartsharoitlari bilan chambarchas bog‘lab tahlil etildi va muayyan xulosalar chiqarildi. G‘.G‘ulom hayotiy faoliyatiga oid dalillarga munosabat bildirish esa biografik ma’lumotlarni yanada to‘ldirish va ijodkor poetikasining yangi qiralarini yoritishga imkon berdi.